ﻳﻨﺎﺩﻳﻨﻲ ﺑﺎﺳﻢ ﻏﻴﺮﻱ ,ﻏﻠﻂ ﺑﺎﺳﻤﻲ ﺧﻤﺲ ﻣﺮﺍﺕ
ﻣﺮﻩ ﻗﺎﻝ ﻳﺎﻃﻴﺒﻪ ﺗﻌﺎﻟﻲ ﻗﺮﺑﻲ ﻟﻤﻴﻨﻲ
ﻭﻣﺮﻩ ﻗﺎﻝ ﻳﺎﻧﻮﺭﻩ ﻭﻳﻨﻚ ﻟﻴﻪ ﻫﺎﻟﻐﻴﺒﺎﺕ
ﺗﺮﺍ ﻭﺍﻟﻠﻪ ﺑﻌﺪﻙ ﻃﺎﻝ ﻭﺍﻧﺘﻲ ﺣﻴﻞ ﻭﺣﺸﺘﻴﻨﻲ
ﻭﻣﺮﻩ ﻗﺎﻝ ﻳﺎ ﻫﺎﺟﺮ ﺍﺭﺣﻤﻲ ﻣﻦ ﺑﺤﺒﻚ ﻣﺎﺕ
ﻛﻴﻒ ﺍﻟﺤﺐ ﻳﺼﻔﺎﻟﻚ ﻭﻳﺮﺿﻰ ﺍﻧﻚ ﺗﺨﻠﻴﻨﻲ
ﻭﻣﺮﻩ ﻗﺎﻝ ﻳﺎ ﺳﺎﺭﻩ ﻓﺪﻳﺖ ﻋﻴﻮﻧﻚ ﺍﻟﺤﻠﻮﺍﺕ
ﺑﻨﻈﺮﻩ ﻭﺣﺪﻩ ﻣﻦ ﺷﻔﺘﻚ ﺃﺳﺮﺗﻴﻨﻲ ﻭﺳﺤﺮﺗﻴﻨﻲ
ﻭﻣﺮﻩ ﻗﺎﻝ ﻳﺎ ﺍﺷﻮﺍﻕ ﺷﻮﻗﻲ ﺯﺍﺩ ﺑﻲ ﺍﻵﻫﺎﺕ
ﻓﺪﻳﺘﻚ ﻳﺎﻟﻐﻼ ﻛﻠﻪ ﺑﺤﺒﻚ ﻟﻲ ﺗﻠﻮﻣﻴﻨﻲ؟
ﺳﺄﻟﺘﻪ ﻣﻦ ﻫﻲ ﺫﻱ ﻧﻮﺭﻩ ﻭﺿﺎﻋﺖ ﻣﻨﻪ ﺍﻟﻜﻠﻤﺎﺕ
ﻗﺎﻝ ﻟﺤﻈﻪ ﻳﺎ ﻋﻤﺮﻱ ﺩﻗﻴﻘﺔ ﺑﺲ ﺳﻤﻌﻴﻨﻲ
ﻗﻠﺖ ﺍﺻﺒﺮ ﻋﻠﻰ ﻏﺪﺭﻙ ﻭﺍﺭﺿﻰ ﺑﻘﺴﻤﺘﻲ ﺑﺴﻜﺎﺕ
ﺷﺴﻮﻱ ﻭﺣﺒﻚ ﺍﻟﻐﺎﺩﺭ ﺳﻜﻦ ﺩﺍﺧﻞ ﺷﺮﺍﻳﻨﻲ
ﺗﻠﻌﺜﻢ ﻓﻲ ﺣﻜﻴﻪ ﻭﺿﺎﻉ, ﻗﺎﻣﺖ ﺗﺮﺗﺠﻒ ﺍﻟﺸﻔﺎﺓ
ﻗﺎﻝ ﺍﺭﺟﻮﻙ ﻳﺎ ﺣﺒﻲ ﺗﺮﺍ ﺍﻧﺘﻲ ﻇﻠﻤﺘﻴﻨﻲ
ﻗﻠﺖ ﺍﺣﻜﻲ ﻭﻗﻮﻝ ﺍﻟﺼﺪﻕ ﺗﺮﺍﻩ ﺍﻟﺼﺪﻕ ﻫﻮ ﻣﻨﺠﺎﺓ
ﺍﺣﺬﺭ ﺗﻜﺬﺏ ﺑﺤﻜﻴﻚ ﺍﻥ ﻛﻨﺖ ﺑﺎﻟﺤﻴﻞ ﺗﻐﻠﻴﻨﻲ
ﻗﺎﻝ ﺍﻟﺼﺪﻕ ﻳﺎ ﺭﻭﺣﻲ ﻫﺬﺍ ﻣﺎﺿﻲ-ﻥ- ﻭﻓﺎﺕ
ﻣﺮﺍﻫﻖ ﻛﻨﺖ ﻓﻲ ﺻﻐﺮﻱ ﺍﺩﻭﺭ ﺣﺐ ﻳﺴﻠﻴﻨﻲ
ﻃﻔﻞ ﺍﻟﻌﺐ ﺑﺤﻮﺵ ﺍﻟﺪﺍﺭ ﻭﺷﻔﺖ ﺑﺪﺍﺭﻧﺎ ﻃﻔﻼﺕ
ﺣﻠﻮﻩ ﺟﺖ ﺗﺰﻭﺭ ﺍﺧﺘﻲ , ﻃﻴﺒﻪ ﺑﻨﺖ ﺟﻴﺮﺍﻧﻲ
ﻛﺒﺮﺕ ﻭﺭﺣﺖ ﻣﺘﻮﺳﻂ ﻳﻤﻬﺎ ﻣﺪﺭﺳﺔ ﺑﻨﺎﺕ
ﻟﻤﺤﺖ ﻧﻮﻳﺮﻩ ﺑﺎﻟﻬﺪﻩ ,ﺻﺮﺧﺖ ﻭﻗﻠﺖ ﻋﻔﺴﺘﻴﻨﻲ
ﻭﻣﺮﻩ ﻭﺍﻧﺎ ﻣﺘﻀﺎﻳﻖ , ﺷﺒﻜﺖ ﺍﻟﻨﺖ ﺩﺧﻠﺖ ﺍﻟﺸﺎﺕ
ﻫﺎﺟﺮ ﻧﻜﻬﺎ ﻳﻠﻔﺖ , ﻭﺳﻮﺍﻟﻔﻬﺎ ﻟﻌﺒﺖ ﻓﻴﻨﻲ
ﻛﺒﺮﺕ ﺍﻛﺜﺮ ﻭﺯﺍﺩ ﺍﻟﺸﻮﻕ ﻭﺳﺎﺭﻩ ﺯﻳﻨﺔ ﺍﻟﺰﻳﻨﺎﺕ
ﺑﻔﺮﻉ ﺍﻟﻤﻨﻄﻘﻪ ﺷﻔﺘﻬﺎ ﺃﺟﻤﻞ ﻣﺎ ﺭﺃﺕ ﻋﻴﻨﻲ
ﻭﻣﺮﻩ ﺭﺣﺖ ﺃﻧﺎ ﻟﻠﺴﻮﻕ ﻣﻊ ﺣَﻤﻮﺩ ﺑﻮﻗﺬﻳﻼﺕ
ﻟﻤﺤﺖ ﺍﺷﻮﺍﻕ ﻓﻲ ﻣﻄﻌﻢ , ﺑﻨﻈﺮﺗﻬﺎ ﺗﻨﺎﺩﻳﻨﻲ
ﻣﺎﺽ-ﻥ- ﺭﺍﺡ ﻣﻦ ﻣﺪﻩ , ﺩﻓﻨﺘﻪ ﻓﻲ ﻗﺒﺮ ﺃﻣﻮﺍﺕ
ﻟﻜﻦ ﺯﻟﺖ ﻟﺴﺎﻧﻲ , ﺭﺟﻴﺖ ﺃﻧﺞ ﺗِﻌِﺬﺭﻳﻨﻲ
ﺍﻧﺴﻲ ﻫﺬﻱ ﺍﻟﻐﻠﻄﻪ , ﻭﺍﻧﺴﻲ ﻛﻞ ﻫﺎﻟﺰﻻﺕ
ﻗﺪﺭﻙ ﺃﻛﺒﺮ ﺑﻘﻠﺒﻲ , ﺍﻧﺘﻲ ﻓﺮﺣﺔ ﺳﻨﻴﻨﻲ
ﺍﻧﺘﻲ ﺣﻠﻤﻲ ﺍﻷﺟﻤﻞ , ﻟﻘﻴﺖ ﺑﺤﻀﻨﻚ ﺍﻟﺒﺴﻤﺎﺕ
ﻟﻘﻴﺖ ﺍﻟﻔﺮﺣﻪ ﺑﻌﻴﻮﻧﻚ,ﺑﺎﺣﺴﺎﺳﻚ ﻣﻠﻜﺘﻴﻨﻲ
ﻗﻠﺖ ﺍﺑﺸﺮ ﻳﺎ ﺑﻮﻋﻴﺎﻟﻲ ,ﺑﻨﺴﻰ ﻣﺎﺿﻲ ﺍﻟﻐﻠﻄﺎﺕ
ﻣﺎﻫﻮ ﺑﻴﺪﻱ ﻫﺬﺍ ﺍﻟﺸﻲ , ﺧﻮﻓﻲ ﻻ ﺗﺨﻠﻴﻨﻲ
ﺑﻼﻧﻲ ﺭﺑﻲ ﺑﺰﻭﺝ-ﻥ- ﺣﻴﺎﺗﻪ ﻛﻠﻬﺎ ﻫﻔﻮﺍﺕ
ﺑﻌﺪ ﻋﺸﺮﺓ ﺧﻤﺲ ﺳﻨﻴﻦ , ﺑﺎﺳﻢ ﺧﻤﺴﻪ ﻳﻨﺎﺩﻳﻨﻲ
ﻳﺎﺧﻮﻓﻲ ﺑﺎﻟﺴﻨﻪ ﺍﻟﺠﺎﻳﻪ , ﺗﻨﺎﺩﻳﻨﻲ ﻳﺎ ﻓﺮَﺣﺎﺕ
ﺗﻘﻮﻝ ﻫﺬﻱ ﺑﻨﻬﺮ ﺍﻟﻨﻴﻞ , ﺷﻔﺘﻬﺎ ﻭﺳﺤﺮﺕ ﻋﻴﻨﻲ !